Хүүхдийн аюулгүй байдал

Платформ дээрх контент бүр насны ангилалтай бөгөөд хүүхдийн профайлаар зөвхөн насанд тохирсон контент харагдана. Бид хүүхдэд чиглэсэн зар сурталчилгаа, профайлчлал хийдэггүй.

Бид олон улсад хэвшсэн дараах ангиллыг ашигладаг:

• G — Бүх насныханд. Хүчирхийлэл, зохисгүй хэллэггүй, гэр бүлээрээ үзэхэд тохиромжтой.
• PG — Эцэг эхийн хяналт зөвлөнө. Зарим хэсэг нь бага насны хүүхдэд тохиромжгүй байж болно.
• PG-13 — 13-аас доош насныханд эцэг эхийн хяналт шаардлагатай. Дунд зэргийн хүчирхийлэл, хэллэг агуулж болно.
• R — 18 нас хүрээгүй бол насанд хүрэгчийн хамт үзэхийг зөвлөнө. Хүчтэй хүчирхийлэл, хэллэг, насанд хүрэгчдийн сэдэв агуулна.
• NC-17 — Зөвхөн насанд хүрэгчдэд. 18 нас хүрээгүй хэрэглэгчид үзэх боломжгүй.

Данс эзэмшигч нь хүүхдэд зориулсан тусдаа профайл үүсгэж болно. Хүүхдийн профайлд зөвхөн G болон PG ангиллын контент харагдах ба төлбөр, тохиргооны хэсэгт хандах боломжгүй.

• Профайл бүрд харагдах контентын насны дээд ангиллыг тохируулах;
• Хүүхдийн профайлын үзсэн түүхийг данс эзэмшигч харах;
• Профайлын тохиргоог зөвхөн үндсэн данс эзэмшигч өөрчлөх.

Контент бүрийг нийтлэхийн өмнө манай контентын баг насны ангиллыг шалгаж баталгаажуулдаг. Ангилал буруу гэж үзвэл хэрэглэгч бүр мэдэгдэл илгээх боломжтой.

Хүүхдийн профайлаас бид зөвхөн профайлын нэр, үзсэн контентын мэдээллийг үйлчилгээний зорилгоор хадгална. Хүүхдээс имэйл, утас зэрэг холбоо барих мэдээлэл цуглуулдаггүй.

Насны ангилалтай нийцэхгүй, хүүхдэд хортой агуулга илрүүлбэл safety@flimix.mn хаягаар нэн даруй мэдэгдэнэ үү. Ийм мэдэгдлийг бид тэргүүн ээлжид, 24 цагийн дотор хянадаг.

• Хүүхдэдээ өөрийн нас ангилалд тохирсон тусдаа профайл үүсгэж өгөөрэй;
• Дансны нууц үгээ хүүхдэд дамжуулахгүй байхыг зөвлөнө;
• Үзсэн түүхийг тогтмол шалгаж, хамтдаа ярилцаарай.